जंगल कटई अउ अतिकरमन के बढ़त गड़बड़ी के बीच कवर्धा वन विभाग एक ठन डंटई कदम उठाइस। पंडरिया (पूर्व) परिक्षेत्र के चतरी जंगल के पी.एफ.527 रकबा 0.188 हेक्टेयर जमीन म बने झोपड़ी ला हटाके, अवैध कब्जा करे मनखे ला जंगल ले बेदखल कर दे गीस।
ए कारवाही के अगुवाई वनमण्डलाधिकारी निखिल अग्रवाल के निर्देशन म अउ उपवनमण्डलाधिकारी सुयश धर दीवान के मार्गदर्शन म होइस। कारवाही के नेतृत्व पंडरिया (पूर्व) के परिक्षेत्र अधिकारी महेन्द्र कुमार जोशी करत रिहिन, संग म वनकर्मी मन झन कस जुट गे रिहिन।
ए टीम म देवनाथ सिदार (प्रशिक्षु वनरक्षक), सुभाष चन्द्र भारद्वाज, संतोष सिंह साकत, अरुण कुमार दुबे, दिलीप कुमार चंद्राकर, जोधन सिंह ठाकुर, सुदर्शन साहू, गौरीशंकर साहू, पुनाराम धुर्वे, श्रीराम गुप्ता, कु. उमेश्वरी श्याम, मति सीमा टांडिया अउ विष्णु सिंह धुर्वे अपन जिम्मेदारी ला निभात जंगल के अतिकरमन मुक्त करे म मदद करिन।
जंगल कटई अउ कब्जा म राजनैतिक दबाव के बावजूद अधिकारी मन हिम्मत दिखाइस, अउ जंगल के सुरक्षा बर सच्चे मन ले काम करिन।
वन विभाग कहिस – जंगल, जीव-जंतु अउ प्राकृतिक साधन के रखवारी हमर जिम्मेदारी आय। अइसे अवैध कब्जा ऊपर आगू म और सख्ती ले कारवाही होही।
